گئتمه ترسا بالاسی شهریار
شهریار / گزیدهٔ اشعار ترکی / وزن: مفتعلن فع مفتعلن فع مفتعلن فع مفتعلن فع
ایذن وئر توی گئجه‌سی من ده سنه دایه‌گلیم
ال قاتاندا سنه مشّاطه تماشایا گلیم.
سن بو آیلی گئجه‌ده سئیره چیخان بیر سرو اول.
ایذن وئر منده دالینجا سورونوب سایه گلیم.
منه ده باخدین او شهلا گؤزوله ، من قارا گون،
جورئتیم اولمادی بیر کلمه تمنّایه گلیم.
من جهنم‌ده ده باش یاسدیقا قویسام سنیله ،
هئچ آییلمام کی دوروب جنّت مأوایا گلیم.
ننه قارنیندا سنله ائگیز اولسایدیم اگر.
ایسته‌‌مزدیم دوغولوب بیرده بو دونیایا گلیم.
سن یاتیب جنتّی رؤیادا گؤرنده گئجه‌لر،
من ده جنتّده قوش اوللام ، کی او رؤیایا گلیم.
قیتیلیغ ایللر یاغیشی تک قورویوب گؤز یاشیمیز،
کوی عشقینده گرک بیرده مصّلایه گلیم.
سنده صحرایه ماراللار کیمی بیر چیخ نولوکی
منده بیر صئیده چیخانلار کیمی صحرایه گلیم.
آللاهیندان سن اگر قورخماییب اولسان ترسا،
قورخورام منده دؤنوب دین مسیحایه گلیم.
شیخ صنعان کیمی دونقوز اوتاریب ایللرجه،
سنی بیر گؤرمک اوچون معبد ترسایه گلیم.
یوخ صنم ! آنلامادیم ، آنلامادیم ، حاشا من ،
بوراخیب مسجدیمی ، سنله کلیسایه گلیم!
گل چیخاق طور تجلاّیه ، سن اول جلوه‌ای طور،
من ده موسا کیمی اول طوره تجلاّیه گلیم.
شیردیر شهریارین شعری الینده شمشیر،
کیم ، دئیر من بئله بیر شیریله دعوایه گلیم ؟
۱۳۵۳
دربارهٔ این شعر (خلاصهٔ هوش مصنوعی)
این متن شعری از یک شاعر است که احساسات عمیق و عاشقانه خود را نسبت به معشوقش بیان می‌کند. شاعر با زبانی پر از تعابیر و تمثیل، به زیبایی‌ها و ویژگی‌های معشوق اشاره می‌کند و نشان می‌دهد که چقدر او برایش مهم است. او از جهنم و بهشت صحبت می‌کند و عشق را به عنوان نیرویی قدرتمند توصیف می‌کند که می‌تواند او را به هر جا که می‌خواهد ببرد. در این شعر، شاعر به تضادها و چالش‌های عشق اشاره می‌کند و نشان می‌دهد که در مقابل معشوقش، حتی ممکن است از باورهایی که دارد گذشت کند. در نهایت، شعر به زیبایی و عمق احساسات عشق و وابستگی اشاره می‌کند.